السفة المدفونة على طريقة بسطيلة الدجاج بمذاق رائع جدا

السفة المدفونة على طريقة بسطيلة الدجاج بمذاق رائع جدا 👌

كاندير السفة من التحت ومن الفوق و الوسط كاندير طبقات : دجاج، بيض، لوز، تفاية

بالنسبة للسفة غانحتاجو :

500غ سفة (أنا ديما كانخدم ب "كاينة")

نص كاس زيت

كانلبسو السفة بالزيت مزيان ونديروها فالكسكاس ونفوروها 3 أو 4 د المرات على حسب كل واحد شنو كيدير المهم الفورة الاخيرة كانسقيوها بالماء والملح باش ماتجيش باسلة وفاش نحيدوها ندهنوها بالزبدة وهي سخونة وأنا كاندير فيها حتا معلقة كبيرة د سكر كلاصي

بالنسبة للدجاج: 

دجاجة كاملة مقطعة على 4 أو 8 ماكيهمش ومحيد لها الجلدة

بصلة كبيرة مشلظة رقيق

مع كبيرة د السمن 

شوية د الزيت رومية 

ملح / ابزار / مع ص عامرة توابل الدجاج / مع ص عامرة اسكنجبير / مع ص خرقوم بلدي / مع ص قرفة

فص ثوم محكوك 

شوية د الربيع

كانشحرو البصلة مع الزيت والسمن والملح والابزار والدجاج مزيااااااان على عافية مهيلة حتا كاطلق البصلة الماء ديالها وكانضيفو باقي التوابل والثوم (الربيع كل واحد امتا كيبغي يزيدو كاين لي كيخليه حتال الاخير أنا كانديرو ف الاول )وكانضيفو القلييييل فقط من الماء غير الجهد لي غايطيب فيه الدجاج حيت البصل طلق الما أصلا ونسدو عليه حتا يطيب ونحيدوه من المرق ونحيدو ليه العظم ونفرتوه بحال كيما كانديرو ف البسطيلة 

بالنسبة للبيض :

كانفقسو 5-6 البيضات ف المرق ديال الدجاج بعد ما خليناه ينشف شوية وكانخلطوهم حتا كيطيبو 

بالنسبة ل اللوز:

250-375غ لوز على حسب 250غ كافية

سكر سنيدة

كانرقدو اللوز ف ما طايب ونفسخوه نغسلوه ونخليوه ينشف ثم نقليوه ف زيت باردة يعني مانخليوهاش حتا تسخن عاد نرميوه فيها.. نحيدوه ونديروه فوق ورق نشاف ثم نهرمشوه مع السنيدة الحلاوة كاتبقا على حسب الذوق

بالنسبة للتفاية :

3 بصلات كبار 

حفينة د الزبيب

زيت / سمن

ملح / ابزار / اسكنجبير / خرقوم (غير شوية شوية من الحاجة)

سنيدة / قرفة (لا بغيتو تزيدو شي حبات د الباديان ماعليش)

كلنقطعو البصل هلالات وكانديروه فكاسرونة ونوركو عليه بيدينا باش دغيا يذبل لينا ونشحروه مع شوية دالزيت والسمن والملح والابزار حتا طلق لينا البصلة الما، ثم نضيفو ليه اسكنجبير والخرقوم ثم القرفة والزبيب (ايلا نشفات ليكم وباقي ماطابت مزيان